Uandikishaji kwenye Daftari la Wapiga kura

Posted on: October 11th, 2024

Leo tarehe 11 Oktoba 2024, Bi. Shamim Mwarikon, msimamizi wa uchaguzi wa Halmashauri ya Wilaya ya Mpimbwe, amezindua rasmi zoezi la uandikishaji wa wapiga kura kwa uchaguzi wa Serikali za Mitaa katika Shule ya Sekondari Usevya. Kituo hiki, kilichopo Kata ya Usevya, Kitongoji cha Kaunyala, kinategemewa kuwa kimbilio la wananchi waliokuwa wakisubiri kwa hamu zoezi hili muhimu. Bi. Shamim amewataka wananchi kujitokeza kwa wingi ili kuhakikisha wanapata haki ya kushiriki uchaguzi, akisisitiza kuwa uandikishaji huu wa siku 10 ni fursa muhimu kwa kila mmoja. Zoezi hili litakamilika tarehe 20 Oktoba 2024.