Sherehe za Maazimisho ya siku ya Wanawake Kata ya Usevya Halmashauri ya Wilaya ya Mpimbwe

Posted on: February 26th, 2024

Halmashauri ya Wilaya ya Mpimbwe kata ya Usevya imeazimisha siku ya Wanawake tarehe 26/2/2024 ikiwa ni ngazi ya Kata. Mgeni rasmi kwenye sherehe hiyo alikua Mkurugenzi Mtendaji wa Halmashauri ya Mpimbwe Bi Shamim Mwariko.

Katika sherehe hiyo yenye kauli mbiu “Wekeza kwa wanawake kuharakisha  maendeleo ya  Taifa na ustawi wa  jamii ” mgeni rasmi aliwahutubia wanawake na kuwataka  kueleza  kero na changamoto wanazokumbana nazo kwenye familia zao na wakiwa kwenye harakati za kujitafutia kipato chao cha kila siku.

Wanawake walifunguka na kusema wanahitaji serikali ya awamu ya sita kuwapatia mikopo ili waweze kuendesha bishara zao.

Pia ukatili kwa wanawake imekua ni changamoto kubwa, wanawake wanapigwa wananyanyaswa kijinsia na kupelekea kukatisha ndoto zao.

Mkurugenzi  Mtendaji  alihitimisha kwa kusema, wanawake tupendane sisi kwa sisi, pia tusiogope kupaza sauti juu ya vitendo vya kikatili tunavyofanyiwa.