Serikali ya Halmashauri ya Wilaya ya Mpimbwe imeanza kuweka juhudi za maksudi ili kukabiliana na mripuka wa ugonjwa wa Surua ulioshamiri hivi karibuni

Posted on: February 17th, 2023

Mkuu wa Wilaya ya Mlele Majid Mwanga amesema moja ya mikakati ya kukabiliana na ugonjwa huo kwanza ni kuhakikisha chanjo zinakuwa za kutosha, kusambaza magari kila kata na wataalamu watakaofanya kazi ya kutoa elimu na kutoa chanjo na kwa ambao tayari wameadhirika na ugonjwa huo wapate tiba.

Amesema hayo Akiwa katika mkutano na Wananchi wa kata ya Majimoto katika kitongoji cha Bula katika Halmashauri ya Mpimbwe.

DC Mwanga amewaonya waganga wa tiba mbadala kuwarubuni wananchi kuwa wanatibu ugonjwa huo kwani Serikali haitasita kumchukulia hatua mganga yoyote atakayebainika kumtubia mtoto kwa njia ya tiba mbadala.

Aidha, ametoa wito kwa wananchi kuachana na imani potofu kuwa vifo vinavyotokea vinasababishwa na inamani za kishirikina bali wasikilize maelekezo ya madokta kwa kuwapeleka watoto wao wenye umri wa kuanzia miezi 4 hadi miaka 5 kupata chanjo ya ugonjwa huo.

Kwa upandewake Mganga mkuu wa Halmashauri ya Mpimbwe Dkt.Martin lohay  amesema vifo vitokanavyo na ugonjwa huo 12 na wagonjwa waliobainika hadi sasa 646

Dkt. Lohay amesema hadi sasa Serikali kupitia Wizara ya Afya imetoa chanjo zakutosha  hivyo amewaomba wananchi kutoa ushirikiano ilikukabiliana na Jambo hilo.

Imetolewa na

Kitengo cha Mawasiliano Serikalini

Halmashauri ya Mpimbwe.