NJIA BORA ZA UTOAJI WA TAARIFA ZA UKATILI KWA WANAFUNZI

Posted on: March 31st, 2023

 Mradi wa shule Bora umetoa mafunzo kwa  Walimu wakuu  , Waratibu Elimu kata  , Maafisa Ustawi wa Jamii na  watu wa Dawati la Jinsia leo katika shule ya Msingi Usevya

 Mafunzo hayo yaliyobeba dhana nzima juu ya kupata namna bora ya kuhakikisha mwanafunzi anapata njia sahihi ya kufikisha Taarifa  juu ya Ukatili wa kijinsia wanao fanyiwa katika jamii   wanayoishi yalijikita hasa katika  Maswala ya  Dawati la Ulinzi na Usalama wa Mtoto Ndani na Nje ya Shule,  Uundaji na Uendeshaji Wa Mabaraza ya Watoto, Malezi, Unasihi na Ulinzi Wa Mtoto Shuleni,

Akifungua mafunzo hayo Afisa Elimu Mkoa Wa Katavi Bi. Upendo Rweyemamu amewataka  kuhakikisha wanawapa Elimu yakutosha wanafunzi ilikuweza kutoa taarifa za Ukatili wanaofanyiwa kwa Walimu wa unasihi watakao chaguliwa na wanafunzi wenyewe

Pia amesema Rais wa Jamhuri ya Muungano wa Tanzania Dkt Samia Suluhu Hassan anatoa fedha nyingi kwa ajili ya kuboresha miundo mbinu ya shule ilikuhakikisha Wanafunzi wanasoma kwenye mazingira Bora na rafiki  lakini vitendo vya ukatili vinachochea kurudisha vyuma ufaulu wa wanafunzi vitendo ambavyo havitakiwi.

Aidha Bakari Geni Mratibu wa Shule Bora Mkoa wa Katavi amesema Njia salama zitakazo tumika kutoa taarifa kwa wanafunzi ni pamoja na kuwepo kwa sanduku la maoni ambapo funguo za sanduku hilo haliwezi kushikwa na mtu ambaye siyo Sahihi , ilikuepusha wanafunzi kuogopa kuweka maoni yao.

Kwa upande wao wanufaika wa mafunzo hayo wamesema mafunzo hayo yatawasaidia watoto  kuwa na uwezo mkubwa wakujieleza pamoja na kuwa huru katika kutoa changamoto zinazo  wakabili.

Mwisho.

Imetolewa na

Kitengo cha mawasiliano Serikalini

Halmashauri ya Mpimbwe.