MPIMBWE YAAMUA KUCHANGAMKIA FURSA YA HEWA YA UKAA.

Posted on: January 3rd, 2024

Baraza la Madiwani katika Halmashauri ya Wilaya ya Mpimbwe  Wilaya ya Mlele Mkaoni Katavi   likiambatana na Mkuu wa Wilaya ya Mlele Mhe. Majid Mwanga ,Mwenyekiti wa Halmashauri  Mhe. Silas Ilumba ,Mkurungenzi  Mtendaji  Bi. Shamim Mwariko na Wakuu wa Divisheni na Vitengo wamefanya ziara ya  kutembelea na kujifunza  namna   hewa ukaa inavyo zarishwa  kutokana na misitu ya asili au yakupandwa katika  Halmashauri ya Tanganyika  inayotekeleza Mradi huo.

Wakiwa katika ziara hiyo  ya siku mbili  Mtendaji wa kijiji  cha Mpembe kata ya  katuma  Herieth Festo Malekela amesema ili kuweza kufanikisha  zoezi la uhifadhi  hewa ya ukaa  ushirikishwaji wa jamii unahitajika kwani jamii lazima ipate uelewa wa umhimu wa uhifadhi wa Mazingira kwa kuzarisha  Hewa ya  Ukaa.

Aidha amesema ili kuweza kuepusha changamoto za shughuli za kibinadamu katika maeneo  maeneo ambayo ni yauhifadhi wa wa misitu kwa ajili ya hewa ukaa lazima kuwe na maeneo tengefu kwa ajili ya shughuli za kilimo, na ufungaji katika maeneo hayo.

Herieth ameeleza kuwa wameweza kupata faida kutokana na uzarishaji wa Hewa Ukaa kwa kujenga Zahanati,  kujenga nyumba za watumishi wa Afya kulipata mishahara ya watumishi, kuwakatia  BIMA baadhi ya wanakijiji na kutoa chakula kwa wanafunzi  Shuleni.

Naye Kaimu  Mkurungenzi Mtendaji wa Tanganyika Alex Mlema amesema  kutokana na ushirikiano mkubwa uliopo kati ya  Halmashauri ya Mpimbwe na Tanganyika  endapo Halmashauri ya Mpimbwe itakuwa tayari kuzarisha Hewa ukaa wako tayari kutoa ushirikiano  ili kuweza kukamilisha michakato huo.

Kwa upande wake Mkurungenzi mtendaji wa Halmashauri ya Mpimbwe Bi. Shamim Mwariko amewataka waheshimiwa madiwani  na  kila kiongozi wa serikali kwanafasi yake kuhakikisha wanatoa elimu kwa jamii ili kuweza kutumia fursa ya mlima wa lyamba lya mfipa na eneo la WMA ambalo lipo katika eneo la kibaoni  na kuhakikisha wanatumia vizuri elimu walioipata Tanganyika.

 Mkuu wa Wilaya  Mhe.Majid Mwanga naye amesema kuwa kutokana na ziara hiyo nivyema kuonesha ushikamano katika swala hili ili kusiwepo mtu wa kuwa kinyume na wengine kwani uhifadhi wa hewa ukaa unafaida kubwa katika jamii.