DC MWANGA ASIKILAZA KERO ZA WANANCHI MPIMBWE.

Posted on: September 14th, 2023

Mkuu wa Wilaya ya Mlele Mh. Majid Mwanga amefanya ziara katika Halmashauri ya Wilaya ya Mpimbwe  kwa ajili ya kutembelea , kusikiliza , kutatua kero za Wananchi na kuhamasisha  wananchi kuhakikisha watoto wote wenye umri chini ya miaka nane kupatiwa chanjo ya ugonjwa wa polio ili kuweza kuepuka madhara yatokanayo na ugonjwa huo.

Akiwa  katika kata ya Mbede , Usevya  Ikuba,Majimoto , kibaoni , Mwamapuli, na Chamalendi katika  ziara hiyo Mhe Majid Mwanga amebaini changamoto  mbalimbali ambazo zinawakabili wananchi  katika maeneo yao ambayo wanaishi licha ya kuwepo kwa viongozi ambao wanatakiwa  kuwazipatia ufumbuzi na badala yake wengine kuwa sehemu ya kuzalisha changamoto.

Aidha amebaini kuwa Pamoja na Mhe. Rais wa Jamhuri ya Muungano wa Tanzania Dkt Samia Suluhu Hassani kutoa fedha nyingi kwa ajili ya maendeleo ya wananchi bado baadhi ya viongozi wa kata  wamekuwa wakiendelea kuchangisha wananchi michango ambayo ni kinyume na  utaratibu

Kutokana na hali hii Mkuu wa Wilaya amemuelekeza Mkurugenzi mtendaji kuwachukulia hatua za kinidhamu  Mtendaji wa kijiji pamoja na mtendaji wa kata ya Ikuba kwa kuchangisha michango wananchi

Katika ziara hiyo amemuagiza Mkuu wa Polisi Wilaya kuwachukulia hatua vijana ambao wanajiita  changulaga ambao wanafanya uzalilishaji kwa watoto wa kike.

Pia amewataka wananchi kuendelea kujiandikisha  katika daftari  ili kupata mbolea za ruzuku zilizotolewa na Mhe .Rais wa Jamhuri ya Muungano wa Tanzania Dkt  Samia Suluhu Hassani..