Dc Mlele atoa pole kwa waathiriwa wa Mvua ya upepo Majimoto

Posted on: February 15th, 2023

Mkuu wa Wilaya ya Mlele Mhe. Majid Hemed Mwanga akiambatana na kamati ya ulinzi na usalama pamoja na kaimu Mkurugezi Martin Lohay wametembelea katika kaya 51 zilizopo katika kata ya Majimoto,  zilizokumbwa na upepo kutokana na mvua kubwa kunyesha na kusababisha Uharibifu  wa makazi  .

Akitoa pole kwa wahanga hao katika kata hiyo amemtaka Mratibu wa Maafa wa Halmashauri ya Mpimbwe ndg Saak Muok kufanya tathimini ya haraka ilikuweza  kupata ufumbuzi wa changamoto zilizojitokeza wakati wa Mvua hiyo .

Kwa upande wake Editha Swima   mama wawatoto watatu Mkazi wa kijiji cha Namanyere ambaye ni mhanga   amesema  mvua hiyo iliyo ambatana na  upepo mkali ilitokea majira ya  mchana ambapo   mvua  Hiyo iliangusha nyumba pamoja na tofali kutoka Juu lili mwangukia yeye na Mwanaye Catherine na kusababisha kuumia sehemu ya mguuni ikiwa ni pamoja na   kuharibu chakula chote cha hakiba walichokuwa wamekihifadhi ndani.

Aidha amesema kwa sasa amesaidiwa na Majirani ambao wamempa hifadhi ya Muda hivyo amiomba Serikali kumsaidia iliaweze kupata pakuishi.